-0.2 C
New York
Saturday, February 15, 2025

Buy now

पालकमंत्र्यांनी १० कोटी रुपये लाच ऑफर करणाऱ्या भ्रष्ट अधिकाऱ्याचे नाव जाहीर करावे : मनसेचे आवाहन

१० कोटी रुपये लाच ऑफरप्रकरणी मनसेची लाचलुचपत विभागाकडे तक्रार

सखोल चौकशीअंती कठोर कारवाई करून गुन्हा दाखल करण्याची मागणी

कुडाळ, प्रतिनिधी : राज्याचे सार्वजनिक बांधकाम मंत्री तथा पालकमंत्री सिंधुदुर्ग यांनी जिल्हा परिषद सिंधुदुर्गमधील बड्या अधिकाऱ्याने पालकमंत्री यांना तब्बल १० कोटी रुपयांची लाच ऑफर केल्याची माहिती स्वतः पालकमंत्री रवींद्र चव्हाण यांनी एका मुलाखतीत दिली. दिलेल्या माहितीनुसार, त्या बड्या अधिकाऱ्याने आपण सांगू त्या फाईलवर सह्या केल्यास सर्व खात्यांतर्गत पैसे जमा करून दर महिन्याला दहा कोटी रुपये देण्याचे पालकमंत्री रवींद्र चव्हाण यांच्या समोर मान्य केले. या कृत्यासाठी शिक्षा म्हणून सदर लाच देणारे अधिकाऱ्यास निलंबित करण्याची गरज असताना पालकमंत्री रविंद्र चव्हाण यांनी त्याची जिल्ह्याच्या बाहेर बदली केल्याचे देखील स्वतः दिलेल्या मुलाखतीत सांगितले.

याच अनुषंगाने महाराष्ट्र नवनिर्माण सेनेमार्फत आज लाचलुचपत विभाग सिंधुदुर्ग यांना सदर प्रकरणी सखोल चौकशी करून भ्रष्ट अधिकाऱ्यांना चाप बसाव याकरिता पालकमंत्री रवींद्र चव्हाण यांना तब्बल १० कोटी रुपयांची लाच ऑफर देणाऱ्या त्या बड्या अधिकाऱ्यांवर गुन्हा दाखल करण्याची मागणी मनसेमार्फत करण्यात आली.

याबाबत निवेदन देण्याकरिता जिल्हाध्यक्ष धीरज परब, उपजिल्हाध्यक्ष कुणाल किनळेकर, तालुकाध्यक्ष हेमंत जाधव, उपतालुकाध्यक्ष गजानन राऊळ, जगन्नाथ गावडे, अविनाश अणावकर, अक्षय जोशी, अनिकेत ठाकुर, सूरज नेरूरकर, वेदांग कुडतरकर आदी महाराष्ट्र सैनिक उपस्थित होते.

Related Articles

ताज्या बातम्या

error: Content is protected !!