उपरकर मुंबई दौऱ्यावर असल्याने राजकीय वर्तुळात मोठी चर्चा
महाविकास आघाडीचा कणकवली विधानसभेचा उमेदवार देखील आजच ठरण्याची शक्यता ?
सिंधुदुर्ग | मयुर ठाकूर : काही महिन्यांपूर्वी मनसे पक्षाला जय महाराष्ट्र करून पक्षातून पाय बाहेर काढल्यावर परशुराम उपरकर हे कोणत्या पक्षात प्रवेश करणार याची चर्चा संपूर्ण महाराष्ट्रात सुरू होती. त्याचप्रमाणे परशुराम उपरकर हे लोकसभा निवडणुकीच्या वेळी उद्धव बाळासाहेब ठाकरे शिवसेना पक्षात प्रवेश करणार असल्याची मोठी चर्चा सुरू होती. मात्र काही कारणास्तव तो पक्ष प्रवेश थांबला होता. असे असताना आज परशुराम उपरकर हे मुंबई ला रवाना झाले असून काही वेळातच मातोश्रीवर दाखल होणार असल्याची माहिती विश्वसनीय सूत्रांकडून मिळाली. तर परशुराम उपरकर हे पुन्हा स्वगृही म्हणजे ( उद्धव बाळासाहेब ठाकरे ) सेनेच्या पक्षात प्रवेश करणार असल्याची माहिती पुढे आली आहे. त्यामुळे कणकवली विधानसभा मतदारसंघात नेमका महायुतीच्या विरुद्ध कोणता उमेदवार असणार हे देखील आजच समजणार असल्याचेही बोलले जात आहे. त्यामुळे महाविकास आघाडीचा कणकवली विधानसभेत कोण उमेदवार असणार हे पहाणे महत्वाचे ठरणार आहे.
