मालवण शहरातील वीज पुरवठा आज बंद

मालवण : मालवण शहरातील वीज महावितरण कंपनीच्या ३३/११ केव्ही जी.आय.एस उपकेंद्र मधील नादुरुस्त ५ एमव्हीए ट्रान्सफॉर्मर बदलण्याचे काम सोमवार दि. २० मे रोजी करण्यात येणार आहे. यामुळे मालवण वीज उपकेंद्र बंद राहणार असल्याने मालवण शहराला होणारा विद्युत पुरवठा सकाळी ८:३० ते सायंकाळी ६:३० या वेळेत खंडीत राहणार आहे. तरी ग्राहकांनी याची नोंद घ्यावी आणि वीज महावितरण कंपनीस सहकार्य करावे, असे आवाहन वीज कंपनीच्या मालवण शहर सहाय्यक वीज अभियंत्यांनी केले आहे.