गणेश भक्तांसाठी आणखी एक रेल्वे

कणकवली : गणेशभक्त, चाकरमानी प्रवाशांची वाढणारी गर्दी लक्षात घेऊन रेल्वे प्रशासनातर्फे सातत्याने विशेष गाड्या सोडण्यात येत आहेत. यात आता मडगाव- पनवेल-मडगाव या एक दिवसीय गाडीची भर पडली आहे. या गाडीच्या ‘अप-डाऊन’ या दोन्ही फेऱ्या १५ सप्टेंबला सुटणार आहेत. मडगाव-पनवेल (०१४२८) सकाळी ९.३० वा. मडगाव येथून सुटेल व रात्री १०.१५ वा. पनवेल येथे पोहोचेल. पनवेल-मडगाव (०१४२७) रात्री ११.४५ वा. पनवेल येथून सुटेल व सकाळी ११ वा. मडगाव येथे पोहोचेल. गाडीला करमळी, थिविम, सावंतवाडी, झाराप, कुडाळ, सिंधुदुर्ग, कणकवली, नांदगाव, वैभववाडी, राजापूर, विलंवडे, आडवली, रत्नागिरी, आदी स्थानकांवर थांबा आहे.