मुस्लिम धर्मीय असूनही करतो गणेशाचे पूजन, मकबुल मलगीमनी यांचा समाजासमोर वेगळा आदर्श
पेडणे : धार्मिक सलोख्याच्या हृदयस्पर्शी कार्यात एक तरुण मुस्लिम पत्रकार मकबुल मलगीमनी यांनी कोरगाव-पेडणे गोवा येथे एकता आणि सामाजिक.सलोखा दाखवत गणेश चतुर्थीचा सण साजरा केला. सलग दुसऱ्या वर्षी मकबुल यांनी आपल्या मुस्लिम धर्म जपत गणेश चतुर्थी हा हिंदू सण साजरा करत सगळ्यांसाठी एक वेगळे उदाहरण सादर केले.
मकबुल यांच्या या उल्लेखनीय कृतिमुळे त्यांना या क्षेत्रातील खऱ्या आंतरधर्मीय राजदूताची पदवी मिळाली आहे. धार्मिक सौहार्दाच्या भावनेला मूर्त स्वरूप देऊन प्रार्थना करण्यासाठी ते नियमितपणे चर्च, मंदिरे, मशिदींना भेट देत सामाजिक सलोखा जपतात. गणेश चतुर्थी, ईद, ख्रिसमस आदी सण उत्साहाने साजरे करून, मकबुल एकतेचा आणि समानतेचा संदेश पसरवत आहे. त्यांचे घर धार्मिक सौहार्दाचे प्रतीक बनले आहे, जिथे विविध धर्माचे लोक सणांच्या आनंदात सहभागी होण्यासाठी एकत्र येतात.
मकबुल यांचा धार्मिक सलोख्याच्या दिशेने प्रवास लहानपणापासूनच सुरू झाला, जेव्हा ते गणपतीकडे ओढले गेले. तथापि काही करणाने ते स्वत: च्या घरात सण साजरा करण्याची इच्छा पूर्ण करू शकले नाहीत मात्र आज त्यांचे घर अधिक सर्वसमावेशक आणि सामंजस्यपूर्ण समाजासाठी आशेचे किरण आहे.
मकबूल यांची ही धार्मिक समरसता ही एक संकल्पना नसून एक जिवंत वास्तव आहे जी दयाळूपणा आणि स्वीकाराच्या छोट्या कृतींद्वारे प्राप्त केली जाऊ शकते. त्याच्या या प्रयत्नांनी इतर असंख्य लोकांना विविधतेचे सौंदर्य स्वीकारण्यासाठी आणि त्यांच्या स्वतःच्या समुदायांमध्ये एकता वाढवण्यासाठी प्रेरित केले आहे.
