कणकवली | मयुर ठाकूर : तालुक्यातील कळसुली येथील श्री. स्वामी समर्थ मठात २१ जुलै २०२४ रोजी श्री गुरुपौर्णिमा उत्सव साजरा करण्यात येणार आहे. याबाबतची माहिती प्रेमदाया प्रतिष्ठान ( रजि) मुंबईचे हनुमंत सावंत यांनी दिली.
दरम्यान यावेळी पहाटे ६:३० वाजता श्री.स्वामींची नित्य पुजा, सकाळी ८:३० वाजता अभिषेक, सकाळी १० वाजता सत्यदत्त पूजा, दुपारी १२:४५ वाजता नामस्मरण, १ वाजता महाआरती, १:१५ वाजता महाप्रसाद, २:३० वाजता सर्व भक्तांना ( श्री स्वामी समर्थ सप्तशती ) मोफत पुस्तक वाटप, ३ वाजता ग्रंथ वाचन, ७ वाजता कीर्तन व हरिपाठ, रात्री ९ वाजता भजने असे विविध कार्यक्रम आयोजित करण्यात आले आहेत. तरी सर्वांनी या कार्यक्रमाला उपस्थित रहावे असे आवाहन श्री स्वामी समर्थ मठ ( रजि ) कळसुली च्या वतीने करण्यात आले आहे.
