पालकमंत्री ना. नितेश राणे यांनी घेतली कुडतरकर कुटुंबियांची भेट

कुडतरकर कुटुंबियांचे केले सांत्वन

कणकवली : शहरातील नाथ पै नगर येथील रहिवासी ज्येष्ठ नागरिक सेवा संघाचे पदाधिकारी व सेवानिवृत्त वन अधिकारी सिताराम उर्फ दादा कुडतरकर (वय ६८) यांचे गुरुवारी हृदयविकाराच्या झटक्याने निधन झाले. राज्याचे मत्स्य व्यवसाय व बंदरे विकास मंत्री तथा सिंधुदुर्ग जिल्ह्याचे पालकमंत्री ना. नितेश राणे यांनी आज कुडतरकर कुटुंबियांची भेट घेऊन सांत्वन केले.

यावेळी त्यांच्यासमवेत कणकवलीचे माजी नगराध्यक्ष समीर नलावडे, युवा मोर्चा जिल्हाध्यक्ष संदीप मेस्त्री, बंडू गांगण, डॉ. विद्याधर तायशेट्ये, नितीन बांदेकर, महेंद्र मुरकर, संतोष कांबळे आदी उपस्थित होते.