११ जुलैला पदग्रहण समारंभ; विविध समाजोपयोगी उपक्रमांची घोषणा
कुडाळ : रोटरी क्लब ऑफ कुडाळच्या अध्यक्षपदी राजीव पवार यांची तर मकरंद नाईक सचिवपदी, खजिनदार राकेश म्हाडदळकर यांची निवड करण्यात आली आहे. या नूतन पदाधिकाऱ्यांचा वार्षिक पदग्रहण समारंभ ११ जुलैला महालक्ष्मी हॉल, कुडाळ येथे होणार आहे. या समारंभाला डिस्ट्रिक्ट ३१७० चे माजी डिस्ट्रिक्ट गव्हर्नर संग्राम पाटील प्रमुख पाहुणे म्हणून उपस्थित राहणार आहेत. नवीन कार्यकारिणी आणि सन्मान उपप्रांतपालपदी सचिन मदने आणि डिस्ट्रिक्ट सेक्रेटरीपदी प्रणय तेली यांची निवड झाल्याची माहिती पत्रकार परिषदेत देण्यात आली. या कार्यक्रमात, रोटरी क्लब ऑफ कुडाळतर्फे दिला जाणारा यंदाचा कै. राजश्री एकनाथ पिंगुळकर स्मृतिप्रीत्यर्थ रोटरी ज्ञानज्योती पुरस्कार २०२५ पडतेवाडी शाळेच्या मुख्याध्यापिका सौ. सुरेखा कदम यांना प्रदान करण्यात येणार आहे. तसेच, व्होकेशनल अवॉर्ड सरंबळ येथील प्रगतशील शेतकरी सुरेश परब यांना दिला जाईल. आज हॉटेल स्पाईस कोकण येथे आयोजित पत्रकार परिषदेत रोटरीचे मावळते अध्यक्ष डॉ. संजय केसरे, नूतन अध्यक्ष राजीव पवार, खजिनदार राकेश म्हाडदळकर, उपप्रांतपाल सचिन मदने, रवींद्र परब, दिनेश आजगावकर, इनरव्हीलच्या नूतन अध्यक्ष सानिका मदने, एडिटर पीडीसी सायली प्रभू, शिल्पा बिले आदी उपस्थित होते. यावेळी नूतन अध्यक्ष श्री. पवार यांनी कुडाळचे नुतन पदाधिकारी जाहीर केले. अध्यक्ष राजीव पवार, सचिव मकरंद नाईक, खजिनदार राकेश म्हाडदळकर, आयपीपी डाॅ.संजय केसरे, उपाध्यक्ष प्रमोद भोगटे, एक्झिक्युटिव्ह सेक्रेटरी डाॅ.राजवर्धन देसाई, सार्जंट ॲट आर्मस दिनेश आजगावकर, क्लब सर्वीस कौस्तुभ पाटणकर, व्होकेशनल सर्वीस अभिषेक माने, कम्युनिटी सर्वीस अमित वळंजू, इंटरनॅशनल सर्वीस प्रणय तेली, युथ सर्वीस अजिंक्य जामसंडेकर, पोलिओ प्लस डाॅ.रवींद्र जोशी, चेअरमन क्लब ट्रेनर रविंद्र परब, चेअरमन मेंबरशीप नीता गोवेकर, चेअरमन क्लब ॲडमिनीस्ट्रेशन गजानन कांदळगावकर, फाऊंडेशन शशिकांत चव्हाण, पब्लिक रिलेशन एकनाथ पिंगुळकर, सर्वीस प्रोजेक्ट डाॅ.संजय सावंत, हिस्टोरियन डाॅ.योगेश नवांगुळ, कल्चरल रूपेश तेली, सोशल मिडिया सचिन मदने, इव्हेंट मयुरेश शिरसाट, वुमन एपाॅवरमेंट सई तेली, स्पोर्ट्स डाॅ.गिरीष राणे, मेन्टाॅर ॲड.राजीव बिले, सीए गजानन प्रभू, काशिनाथ सामंत, संजय पिंगुळकर, राजन बोभाटे, अभिजीत परब, डी.के.परब यांची निवड करण्यात आली असून यासर्वांना पदग्रहण केले जाणार आहे. त्याच बरोबर रोटरी क्लब ऑफ कुडाळ कडून कै.राजश्री एकनाथ पिंगुळकर स्मृतिप्रीत्यर्थ रोटरी ज्ञानज्योती पुरस्कार 2025 साठी कुडाळ पडतेवाडी शाळेच्या मुख्याध्यापिका सौ सुरेखा कदम.यांची निवड करण्यात आली आहे. तसेच यावर्षीचा रोटरी व्यवसाय सेवा म्हणजे व्होकेशनल अवाॅर्ड सरंबळचे प्रगत शेतकरी सुरेश परब यांची निवड करण्यात आली आहे. हे दोन्ही पुरस्कार यावेळी वितरित केले जाणार आहेत. वार्षिक पदग्रहण सोहळ्यात रोटरी क्लब ऑफ कुडाळच्या सदस्यांच्या शैक्षणिक प्रगतीत विशेष प्राविण्य संपादित केलेल्या रोटरी पाल्यांचा सन्मान करण्यात येणार असून विशेष उल्लेखनीय कार्य करणाऱ्या रोटरी सदस्यांचाही सन्मान करण्यात येणार आहे. सन २०२५-२६ वर्षात रोटरी क्लब ऑफ कुडाळ कडून विविध शैक्षणिक व सामाजिक उपक्रम राबविण्यात येणार असून रक्तदान शिबीर, मोफत मेडिकल बॅंक, शालेय विद्यार्थ्यांसाठी स्वच्छ पिण्याचे पाणी, टाॅयलेट ब्लाॅक, डेस्कबेंच, समाजातील आर्थिक मागास गटातील लोकांसाठी बायोगॅस प्रकल्प, मुलींना सायकल वाटप, शाळांना ई लर्निंग संच, शिलाई मशिन्स वाटप, सौरऊर्जा संच वाटप, वृक्षारोपण, मोतिबिंदू शस्त्रक्रिया, लहान मुलांना हृदय शस्त्रक्रिया, कॅन्सर तपासणी शिबिर, जयपूरफूट शिबिर, एम एच एम कार्यक्रमांतर्गत कुमारवयीन मुलींसाठी विविध उपक्रम, आरोग्य शिबीर असे विविध उपक्रम राबविण्याचा मानस नूतन अध्यक्ष राजीव पवार यांनी यावेळी व्यक्त केला.
