प्रांताधिकारी ऐश्वर्या काळुसे, तहसीलदार वर्षा झालटे यांच्या उपस्थितीत आरक्षण सोडत
मालवण: तालुक्यातील ६५ ग्रामपंचायतींसाठी आरक्षण सोडत मामा वरेरकर नाट्यगृह मालवण येथे काढण्यात आली. प्रांताधिकारी ऐश्वर्या काळुसे यांच्या अध्यक्षतेखाली झालेल्या सभेत तहसीलदार वर्षा झालटे, नायब तहसीलदार नागेश शिंदे तसेच इतर अधिकारी उपस्थित होते. शालेय विद्यार्थीनी ऐश्वर्या तोंडवळकर हिच्या हस्ते आरक्षण सोडत काढण्यात आली. यावेळी अनेक गावातील सरपंच, लोकप्रतिनिधी, पदाधिकारी आणि इच्छूक उमेदवारांची गर्दी मामा वरेरकर नाट्यगृहात होती.
अनुसूचित जाती महिला – तळगाव, त्रिंबक, अनुसूचित जाती प्रवर्ग – गोळवण, राठीवडे, बांदीवडे बुद्रुक.
अनुसूचित जमाती महिला – वराड.
नागरिकांचा मागास प्रवर्ग महिला – हेदूळ, गोठणे, कुंभारमाठ, नांदरुख, धामापूर, कोळंब, आंबडोस, बांदीवडे खुर्द कोईल, रामगड.
नागरिकांचा मागास प्रवर्ग – वेरळ, देवबाग, चौके, वायंगवडे, पोईप, वायरी भुतनाथ, पेंडूर खरारे, तारकर्ली काळेथर, काळसे.
सर्वसाधारण प्रवर्ग महिला – आनंदव्हाळ कर्लाचाव्हाळ, खोटले, बुधवळे कुडोपी, पळसंब, बिळवस, वायंगणी, सुकळवाड, वरची गुरामवाडी, आंबेरी, हिवाळे, कुणकवळे, असगणी, मठबुद्रुक, श्रावण, साळेल, महान, आडवली मालडी, मसदे चुनवरे, तिरवडे, तोंडवळी.
सर्वसाधारण प्रवर्ग- निरोम, चाफेखोल, माळगांव, रेवंडी, किर्लोस, ओवळीये, हडी, शिरवंडे, घुमडे, मिर्याबांदा, सर्जेकोट, देऊळवाडा, चिंदर, मर्डे, कांदळगाव, नांदोस, देवली, मालोंड, वडाचापाट, कातवड, आचरा, असरोंडी,
तालुक्यात नव्याने निर्माण झालेल्या मर्डे, बिळवस आणि देऊळवाडा ग्रामपंचायतींचा पंचवार्षिक निवडणूक कार्यक्रम सुरू झाला आहे. या तिन्ही ग्रामपंचायतींसाठी यापुर्वी टाकण्यात आलेल्या आरक्षणानुसारच कार्यवाही होणार आहे. आज टाकण्यात आलेले आरक्षण हे पुढील २०२५ ते २०३० या कालावधीत होणाऱ्या निवडणुकीसाठी असल्याचे तहसीलदार वर्षा झालटे यांनी स्पष्ट केले.
