कणकवली : हरकुळखुर्द बौद्धवाडी येथील सखाराम तुकाराम हरकुळकर वय ६५ व राजकुमार सखाराम हरकुळकर वय २७ या बाप लेकाचे एकापाठोपाठ दुर्दैवी निधन झाल्याने सर्वत्र हळहळ व्यक्त केली जात आहे.
सखाराम तुकाराम उर्फ बाबु हरकुळकर यांचा मुलगा राजकुमार याला दोन दिवसापुर्वीच पणजी गोवा येथ रुग्णालयात अँडमिट करण्यात आले होते.त्यांचा तरुण आधारवड असलेल्या मुलाची प्रकृतीबाबत त्यांना काळजी वाटत होती. बाबु हरकुळकर हे मंगळवारी संध्याकाळी ७.३०दरम्यान राहत्या घरी आंघोळ करुन चहा पिण्यासाठी बसले होते.दरम्यान त्यांना राजकुमारची प्रकृती चिंताजनक झाल्याचे समजल्याने ते तेथेच कोसळले. चहा पितानाच हदय विकाराचा झटका येऊन जागीच गतप्राण झाले.त्यांचा अंतविधी बुधवारी सकाळी १० वाजता पार पडत असतानाच त्याचा तरुण मुलगा राजकुमार अल्प आजाराने मयत झाल्याची बातमी आली.त्याच्यावर दुपारी चार वाजता वडीलाच्याच चिते शेजारी अग्नी देण्यात आला.हरकुळकर कुटुंबावर ओढवलेल्या या दुर्दैवी प्रसंगाने सर्वत्र हळहळ व्यक्त केली जात आहे.राजकुमार हा भाऊ म्हणुन परिसरात ओळखला जात होता.तो परोपकारी व दुसऱ्याच्या मदतीला धावुन जाणारा होता.त्याच्या पश्चात दोन भाऊ एक विवाहित बहिण, आई असा परिवार आहे.
