सहदेव घाडीगावकर यांच्या निधनानंतर महादेव घाडीगांवकर यांचे निधन
कणकवली : मधलीवाडी-घाडीवाडी येथील महादेव कृष्णा घाडीगांवकर (८३) यांचे सोमवारी सकाळी वृद्धापकाळाने निधन झाले. एकाच दिवसापुर्वी त्यांचे सख्खे भाऊ सहदेव घाडीगावकर यांचे निधन झाले होते. महादेव घाडीगांवकर यांनी गेली अनेक वर्षे श्री देव गांगो मंदिर येथे पुजारी म्हणून काम केले. महादेव घाडीगांवकर यांच्या पश्चात पत्नी, २ मुलगे, सूना, नातवंडे, वहिनी, पुतणे असा मोठा परिवार आहे. संजय व मंगेश घाडीगांवकर यांचे ते वडील होत. एकाच दिवसाच्या अंतराने दोन सख्ख्या भावांचे निधन झाल्याने हळहळ व्यक्त होत आहे.
