एकूण २ लाख ८६ हजार ५६९ मतदारांनी बजावला मतदानाचा हक्क
दुपारी १ वाजेपर्यंत सर्वाधिक मतदान कणकवली मतदारसंघात
सिंधुदुर्ग : विधानसभा निवडणुकीसाठी सिंधुदुर्ग जिल्ह्यात मोठ्या चुरशीने मतदान होत आहे. दुपारी १ वाजेपर्यंत तिसऱ्या फेरी अखेर एकूण ४२.२१% मतदान झाले असून जिल्ह्यात २ लाख ८६ हजार ५६९ मतदारांनी मतदान केले आहे. सर्वाधिक मतदान कणकवली विधानसभा मतदारसंघात १ लाख ४ हजार ५३५ झाले आहे. तर कुडाळ विधानसभा मतदारसंघात ९१ हजार ७९० आणि सावंतवाडी विधानसभा मतदारसंघात ९० हजार २४४ इतके मतदान झाले आहे.
