पोईप | प्रतिनिधी : मालवण तालुक्यातील वडाचापाट येथे ठाकरे शिवसेनेच्या शाखा वडाचापाट व अनंत पाटकर मित्रमंडळ तर्फे हॉटेल समर्थ, मसदे तिठा येथे नारळी पौर्णिमे निमित्त नारळ लढविणे स्पर्धा दि. १८ ऑगस्ट रोजी दुपारी २ वाजता आयोजित करण्यात आली आहे. या स्पर्धेकरिता प्रत्येक स्पर्धकास एकूण पाच नारळ देण्यात येतील. यातील अंतिम फेरीत पोहोचणाऱ्या दोन स्पर्धकांना प्रथम क्रमांकास रोख रुपये ३५००/- व चषक तसेच द्वितीय क्रमांकास रोख रुपये १५००/- व चषक बक्षीस स्वरूपात देण्यात येईल. यावेळी जास्तीत जास्त स्पर्धकांनी स्पर्धेमध्ये सहभागी होण्याचे आवाहन रोहन पालव यांनी केले आहे.
